越南買樓，
我由2018年
一路買，一路學。

四次買入，各有一課。

以下買入資料由我本人提供。已完成嘅交易有結果；仍然持有同未收樓嘅單位，就繼續記錄。

1. 2018 → 2025已售出

   D’. El Dorado · 河內西湖

   2018年9月以28億越盾買入一手貨尾，2025年4月賣出實收46億，交易費用由買家承擔。中間經歷疫情收樓、裝修、空置同出租；賣出時仍未取得Pink Book。

   買賣差價升幅約64%（越盾計）；未合併租金及持有開支。

   讀七年完整經歷 ↗
2. 2020 → 2022分期購入 · 仍持有

   Mipec Rubik 360 · 河內

   分期投入合共47億越盾，買入約95平方米三房。經越南代理買樓，經歷過分貨、搶盤同額外付款；到親身收樓，先真正見到要執漏嘅細節。之後亦有自己安排辦Pink Book嘅經驗。

   仍未售出，市場放盤叫價不作已實現回報。

   讀當地代理搶盤經歷 ↗讀我辦Pink Book嘅經過 ↗
3. 2024年底已購入 · 尚未收樓

   Imperia Signature Cổ Loa · 東英

   買入66.2平方米單位，總價61億越盾，另付5,000萬。已有市區物業後，我想參與新區發展，當時尤其留意交通同大型配套嘅規劃。呢個決定嘅結果，仍然要等發展落實同交樓後觀察。

4. 2025年底已購入 · 尚未收樓

   The Cosmopolitan · Cổ Loa

   再買46.2平方米1+1房，約50億越盾，打算用作出租。分期付款配合到當時資金安排。但再諗返，第二個單位亦令持倉更集中同一區；當時可以考慮將資金放去另一個城市。

   按我的購入資料，預計2028年底交樓；交付時間以合約及後續通知為準。

經歷過之後，我會問得唔同。

有名氣，租務就一定好？

西湖、豪宅、外籍住客，當年都吸引過我。但指定單位嘅租金、空置同持有成本，要獨立計清楚。

收樓之後，仲有幾多步？

裝修、租客、Pink Book、轉售文件，每個階段都有要處理嘅事。落訂之前，我會問埋之後由邊個跟。

分期供得起，就適合再買？

分期付款令短期資金安排容易啲，但同區兩個單位，仍然依賴相近嘅發展進度同租客需求。

想認識我，先睇呢三篇。

一篇講點買，一篇講持有七年嘅結果，一篇講辦證。都有盤名、實際金額，同我當時點樣諗。

第一次研究越南樓？

先睇香港人買越南樓總指南，掌握基本概念，再跟住買樓指南頁嘅次序睇城市、代理、收樓、辦證同轉售。

我點樣整理樓盤資料？

先睇實際位置同生活圈，再比較指定單位嘅價錢、面積、交付標準及付款安排。資料有日期、有來源，亦要交代未知同風險。

自己買過嘅項目會交代持倉；未親身考察嘅資料，會以研究方式呈現。網上叫價同已完成交易，亦會分清楚。